Аб удзеле Міністра абароны Рэспублікі Беларусь у рабоце 14-й Міжнароднай абароннай выстаўкі «IDEX-2019»

IDEX-2019

Аб удзеле Міністра абароны Рэспублікі Беларусь у рабоце 14-й Міжнароднай абароннай выстаўкі «IDEX-2019»

17 лютага Міністр абароны Рэспублікі Беларусь на чале беларускай ваеннай дэлегацыі прыняў удзел у мерапрыемствах 14-й Міжнароднай абароннай выстаўкі «IDEX-2019», якая праходзіць у г. Абу-Дабі (ААЭ) з 17 па 21 лютага 2019 года.
У рамках мерапрыемства адбыліся сустрэчы кіраўніка беларускага абароннага ведамства з дзяржаўным міністрам па пытаннях абароны ААЭ Махамадам Ахмадам Аль-Бавардзі Аль-Фаласі і начальнікам Генеральнага штаба Узброеных Сіл ААЭ генерал-лейтэнантам Хамадам Мухамедам Тані Аль-Румейсі, падчас якіх бакі абмеркавалі актуальныя пытанні двухбаковага ваеннага і ваенна-тэхнічнага супрацоўніцтва.
Акрамя таго, дэлегацыя азнаёмілася з перадавымі тэхналогіямі і найноўшымі ўзорамі ўзбраення і ваеннай тэхнікі, прадстаўленымі на выстаўцы, а таксама абмеркавала перспектывы развіцця ваеннага і ваенна-тэхнічнага супрацоўніцтва з асобнымі кіраўнікамі іншых ваенных дэлегацый, кіраўніцтвам замежных абаронных прадпрыемстваў, якія прысутнічалі на мерапрыемстве.

Афіцыйная крыніца http://vpk.mil.by